红娘递柬 - 任剑辉

红娘递柬 - 任剑辉/红线女
女：小姐有阵时闹张生
有阵时肉都紧
算我真正倒运
陪佢颠未曾瞓
探病来问张生
劝勿来乱挑引
佢怨天叹倒运
情太痴最动人
男：情害了小生伤心
红娘何苦心狠
我为情病困
她不顾小生
逼我病更深谁哀悯
女：闹句病坏嘅书生
造乜你生来咁坏品
真系好人难做
我深悔此行
不若拂袖回头
由得你闹侬心狠
男：阿红娘你唔好誃呀
你当我病慒灾瘟
你恕我出言不慎
你系杨枝甘露
救苦救难观世音
我唔该你做吓好心啦
但求你答我一句言词
你要我叩头我都肯
女：好喇我做吓好心
任你开声询问
最怕危危危到我头晕
男：问你讯音
问你小姐看信后
覆音得到未曾
女：你就毋须单思有野心
佢对住来书大闹还怒愤
男：吓得我戆
吓得我震
吓得我吽
吓得我晕
做吓好心
莫再刁蚊太甚
虚张声势吓坏人
女：你都未曾知
小姐读完你封信后
佢就马上掷向火中焚
男：唉咁就晒我的心机咯
女：重话要告告知夫人
男：咁重掉忌
女：话你挑拨存心
唉吔吓到我手腾
手腾脚又震
男：唉咁就弯晒喇
女：幸得我忙解劝
佢亦顾存忠厚
反叫我勿转告他人
男：哈哈你小姐分明有心我喇
唔系驶乜叫你咪讲畀人知呀红娘
女：你就想喇佢叫我嚟警告你
佢话此后你非礼勿言
否则定向夫人告禀
男：咁就惨咯
霹雳碎晴天
有若鬼符催命
向我夺魄勾魂
女：抵得佢丫咁死唔死得唧
男：谁不愿天国魂归
化作一点精灵
飞入莺莺嘅心坎
女：唉吔你都算痴情啰
男：呢个忍心人
害得我生无可恋
最惨就系死又不能
唯望你在小姐面前
将我呢点哀情代禀
女：我唔敢
今朝佢闹我好帮人危求
嬲得很
再危恐怕立时惹埋祸上身
话起心都震啰
男：佢嘅芳心未必咁薄情
或有疑难困
总之可能为情爱难告别人
自嗟愁莫禁
女：驶乜监人赖厚
以自己心度人
男：记得夫人悔约
佢好似有苦难伸
佢春山愁锁泪向眼中含
小姐苦在心头问你心点忍
当为痴男怨女解吓个痴心
女：可笑你自作多情何太甚
就把书函奉上
警醒你嘅迷梦痴魂
小姐封信闹你
等你读罢来书
此后你嘅行为宜谨慎
男：吓你小姐有回音
唉
你应该早的畀我睇得
女：喂呢封信闹你嘅噃
男：闹都系抵嘅
就算闹死个心都份
女：咁你就睇喇冤气鬼
大概你系要俾人闹你
唔俾人闹你你就身痕喇
男：快的畀我睇叻
待月西厢下
迎风户半开拂墙花影动
疑是玉人来哎也咁就有声气咯
真开心
我病已减褪
了相思恨
放下了心
女：你又嘈嘈震
而家颠定肾
你份人极之胡混
男：红娘递柬证鸳盟
小姐约郎月下等
西厢今夜了前因
区区四句诗词
重好过灵丹仙药饮
女：哦原来小姐假正经
假道学欺我唔识诗文
你就的确开心啦
难为我为你地时时着紧咋
男：咁就唔该阿红娘姐
今晚月明林下你为我送玉人