I Fly - MastaMic

作曲: MastaMic
作词: MastaMic
欢迎各位选择乘搭The New Hope Airline
我系本班航机嘅机长MastaMic
今日我将会用HipHop 带领大家游历人生嘅高低起跌
所以请各位乘客做好准备扣好你哋嘅安全带
因为我哋嘅飞机即将要起飞喇
MastaMic 再一次利用我嘅音乐带你哋一齐起飞
就算有好多嘢阻住我好多困难我都会克服
因为我知道你会同我一齐I Believe I can Fly
如果你要我拣搭一种飞机
有直升机747 波音机客机甚至私人飞机
但我只会答你我会搭穿梭机
因为可以一飞冲天冲出一片新天地
穿梭天与地畀我试飞嘅滋味
等我更加知己知彼我更了解自己
我知我可以飞无人阻到我飞
你想阻我飞我送你一句我呸
我系飞机师乘客就系你哋
我会用歌词带领你哋游遍世界每一片土地
当你上呢架飞机你已经无法逃避
我保证你哋我会带你哋游过飞过一切禁地
无人阻到我哋等我哋一齐打破一切禁忌
机会就算无人畀就算你唔畀
我照样向前飞因为我信人生嘅趣味系嚟自所谓振翅高飞
Chrous:
我要令你听到我志气比天高
我不怕被击倒阻我路
我要飞得高高我会飞得高高试问边个可以阻到
我要令你知道我志气比天高
我不怕被击倒阻我路
我要飞得高高我会飞得高高试问边个可以阻到
我身为一个尽责嘅机师
我够胆保证我嘅飞机起飞时间一定准时
我嘅歌歌词一早有提示
总之一切由呢刻开始我嘅Mixtape 就系我起飞嘅警示
你仲想妄想阻止梦想号喺空中飞驰
我劝你咪再费时失事
话你知就算试几多失意
就算再多几多次郁郁不得志
你不得不知我有我嘅理由我不得不试
我背负住太多人嘅希望
佢哋嘅愿望系见到我发光
绝望都差啲将我埋葬
我一直喺失望嘅边缘等待属于希望嘅一线曙光
我会想尽一切办法松绑
松开人世间一切人情冷暖嘅沧桑
我带住用歌词编织成嘅翅膀飞向遥远嘅他方
寻找属于我嘅星光
我要令你听到我志气比天高
我不怕被击倒阻我路
我要飞得高高我会飞得高高试问边个可以阻到
我要令你知道我志气比天高
我不怕被击倒闯我路
我要飞得高高我会飞得高高试问边个可以阻到