Seignor， sachies， qui or ne s’en ira(chanson de croisade) - Estampie

Seigneurs, sachiez qui or ne s'en ira,
En cele terre ou Dex fu mors et vis,
Et qui la croiz d'outremer ne prendra,
A paines mes ira en paradis.
Or s'en iront eil vaillant bacheler,
Qui aiment Dieu et l'ennor de cest mont,
Qui sagement vuelent a Dieu aller,
Et li morveus, li cendreus demorront,
Avugles sunt, de ce ne dout je mie,
Qui un secors ne fait Dieu en sa vie,
Et por si pou pert la gloire dou mont.
Seigneurs, sachiez qui or ne s'en ira,
En cele terre ou Dex fu mors et vis,
Et qui la croiz d'outremer ne prendra,
A paines mes ira en paradis.
A paines mes ira en paradis.
Diex se lessa por nos en crois pener.
Diex se lessa por nos en crois pener.
Et nos dira au jor ou tuit vendront:
"Vos qui ma crois m'aidastes a porter,"
Vos en irez la ou mi angle sont;
La me verrez et ma mere Marie,
Et vos par cui je n'oi onques aïe,
Descendrez tuit en enfer le parfont."
Seigneurs, sachiez qui or ne s'en ira,
En cele terre ou Dex fu mors et vis,
Et que ja mes ne doie mal avoir;
Et qui la croiz d'outremer ne prendra,
Ainsi les tient Anemis et pechiez,
Que il n'ont sens, hardement ne pooir.
Biax sire Diex, ostés leur tel pensee,
Et nous metez en la vostre contree.
Si saintement que vos puissons veoir.