More Than Magic - 讲者

More Than Magic - 讲者 (Prosa)
纸笔 一直喺上帝嘅手上
点解突然要画到咁抽象
你最好要飞高啲
问下上帝点解会OD
面对权威唔需要退几步
虚构嘅信仰模糊你嘅对比度
分唔清黑白连上帝都感冒
你嘅信仰病倒 讲者指引你下一步
第一步 粉碎对毁灭嘅恐惧
接受大自然重新洗牌嘅秩序
然后攞信念去杀死你嘅神
用希望去拯救处于绝望中嘅人
万能嘅人 你需要慎重
我已经将个地球调咗震动
俾时间你谂一阵
到时候我会淘汰一部分
距离被拉近 生命继续延伸
财富被平分
秩序将会变得全新 全因
可以被改变 用意志去改善
命运可以被改迁 末日可以改天
首先 要你哋相信
科技嘅进步 表示资源即将会尽耗
人类越进步 越早自掘坟墓
人类係神造 被灌上思想嘅泥土
经过升华 只会留低精华
思想需要净化
倾听大自然嘅声音 心灵需要静下
拨开迷雾
换个频道 唔需要多余消耗
事实唔经过小道问题一眼睇到
光明指引迷途 预言者无数
世界大同嘅信念打通末路变成通道
我哋无需好似
一份通稿咁样活着终老
2013 抽根俾大家嘅忠告
文明失去光泽 越发显得苍白
时代到咗末法 抹杀所有活法
改变不容拖沓 你心中存有魔法
用知识建巴别塔 上天搵上帝问责
你身边 係镜像 将佢撕碎 踩镜上
最真实嘅影像 需要光 去点亮
我勉强从地狱底部睇到少少光亮
需要你嘅信念令光明膨胀
个世界嘅剧本去到末日桥段
仲未完 你就係神个剧本要你写完
冇错 呢个绝对唔係一个谣传
星星之火随时都可以燎原
灾难唔係命运 善恶总会平衡
人性唔需要明文 真理唔需要影印
今日嘅果 都係昨日嘅因
今日嘅因 係你未来嘅灯
太多嘢 太假喺我哋面前出现
太多变化太快冇留意到事物嘅侧面
太多永远有 太多嘅小把戏
太多狗屎垃圾唔该请你自理
呃唔到人哋 只係你自己呃到自己
巴菲特嘅财产用嚟买咗方舟船飞
太空总署否认外太空有宇宙船飞
弱肉强食嘅世界
无需顾及礼仪嘅尊卑
关于无限能源你觉得唔可能发生
特斯拉你唔知道你只知爱迪生
反物质你唔知道你只知需要物质
体力慢慢流失 精神陷入迷失
人类嘅外壳已经开始步入退化
大脑逐渐萎缩面对死亡感到害怕
仲有咩可以保护到你真身
信仰嘅烈火帮你提炼真金